D’Tageblatt huet an der Editioun vun haut e puer Säiten iwwert d’Liewensmëttelverschwendung an eng Säit iwwert eis.
Neiegkeeten
Éischte Foodsharing Point ass op
Foodsharing Luxembourg ass stolz d’Erëffnung vun hirem éischte Foodsharing Point unzekënnegen! E Foodsharing Point ass een ëffentlechen Uert fir Iesse vu Privat- zu Privat-Persoun ze deelen a besteet normalerweis aus engem Frigo an engem Regal. Du kanns huele wat’s du wëlls, an du lees era wat’s du net brauchs. Du fënns e beim Buttek Naturwelten, 7 rue Auguste Charles, zu Bouneweeg, an der Stad.
Merci un Naturwelten fir d’Plaz an u Frères des Hommes fir de Frigo!
“Volunteers to hand out unused restaurant meals”
D’Luxembourg Times huet een Artikel iwwert dat, wat mir grad maachen, verëffentlecht. Et ass och eng wichteg Ukënnegung dra verstoppt.
Offer fir Restauranten a Caféen
Wa bei Ärem Restaurant oder Café wéinst den aktuelle Mesurë Liewensmëttel net méi verwäert kënne ginn, braucht dir se net fort ze schmäissen. Eis Liewensmëttelretter*inne kommen se gäre siche fir se iwwert eise Reseau ze verdeelen. Mellt Iech am beschte per Mail un moien@foodsharing.lu a gitt eis gären och eng Telefonsnummer un fir en RDV auszemaachen.
Artikel am Télécran
Den Télécran huet an der Editioun vun haut een Artikel iwwert eis.
Deel vum Transition Talks Podcast
Den Daniel vu Foodsharing Luxembourg war zesumme mam Karine vum Transition-Haus Mesa a mam Marine vun AlterCOOP a vun den Transition Days fir den Transition Talks Podcast agelueden. Dësen huet sech an dëser Editioun mat Liewensmëttelproduktioun a -konsum zu Lëtzebuerg beschäftegt. Du kanns en online eroflueden a lauschteren.
Zwee Reportagen op RTL
Wéinst dem häitegen International Day of Awarness of Food Loss and Waste war eis Onboarding-Managerin war op der Tëlee am Studio vun RTL. Den Interview fënns du online. D’Michelle huet op RTL Radio erklärt wat mir maachen.
“Lebensmittelverschwendung: Vom Feld in die Tonne”
Des Woch huet de Joël Adami vun der Woxx sech dem Thema Liewensmettelverschwendung ugeholl a stellt och eise Veräin vir, den interessanten Artikel kënnt dir ganz op hierer Websäit liesen. 
Campus Radio Interview
Wanns Du den Interview verpasst haas, deen 2 vun eise Foodsaverinnen beim Campus Radio gin hun, dann kanns du en op der Websäit vum Radio ARA nach engkéier ralauschteren.
Interview mam Eldoradio
Eis Onboarding-Managerin Lia war am Interview mam Eldoradio, wou hat gezielt huet wat Foodsharing Luxembourg ass, wéi mir schaffen a firwat mir stinn. Wanns du nach net wees wat Foodsharing Luxembourg ass, oder du wëlls einfach méi gewuer gin iwwert eise Veräin, da lauschter de ganzen Interview!