Foodsharing Points

Wat ass dat?

Wat ass e Foodsharing Point?
Dat ass e Frigo oder/an e Regal, wou sech Liewensmëttel dra befannen, déi vu private Leit dra geluecht goufen a vu jidderengem gratis dierfe matgeholl ginn. Dës Foodsharing Points sinn ëffentlech zougänglech. 

Wien dierf e Foodsharing Point benotzen?
Eis Foodsharing Points sinn ëffentlech, dat heescht accessibel fir jiddereen. Dofir brauch ee net Member bei Foodsharing Luxembourg ze sinn.

Dierfen all Liewensmëttel an e Foodsharing Point?
Dës Informatiounen fënnt een och op all Frigo. Virun allem Produiten wou réi Eeër gebraucht goufen an Alkohol sinn NET erlaabt.

Wien hält dës Plaze propper?
Eis fräiwëlleg Memberen këmmeren sech heirëm. Op all de Frigoen hänke Richtlinnen, sou wéi e Botzplang, déi vun eise fräiwëllege Memberen aktuell gehale ginn.

Wou sinn eis Foodsharing Points?

There is a shelf with some fruits and eggs, a fridge with mainly fruits and vegetables inside and the sign "Foodsharing Point" on top, and a bread shelf with some baked goods inside.
Foodsharing Point Déifferdeng, vum Martin Lecoutère

Foodsharing Point Déifferdeng

Lag

54 rue J.-F.-Kennedy
, Differdange

Ëffnungszäiten

All Dag vun 8:00 bis 21:00

Foodsharing Point Esch/Uelzecht, vum Alpha Muyizere

Foodsharing Point Esch/Uelzecht

Lag

52 rue Louis Pasteur, Esch/Alzette

Opening hours

  • Méindes – Freides vun 09:00 bis 18:00
  • Samschdes vun 10:00 bis 14:00
Foodsharing Point Lëntgen, vum Hannah Proffitt-Perchard

Foodsharing Point Lëntgen

Lag

  • rue de la Bergerie, Lintgen
  • 49°43’23.4″N 6°07’48.6″E

Ëffnungszäiten

All Dag vun 8:00 bis 22:00

Wéi funktionéiert dat heiten?

  • Desinfizéier deng Hänn.
  • Huel dat, wats du wëlls gratis op eege Verantwortung.
  • Setz déi Liewensmëttel dran, déi’s du net méi brauchs an nach gutt sinn.
  • Benotz deng eege Sënner (Kucke, Riche, Schmaache) fir d’Liewensmëttel ze kontrolléieren ier’s du se ëss oder hei hinner mëss.
  • Dëst ass vu privat zu privat Persoun.

Verbuede Liewensmëttel

Keen Alkohol

Kee réit Fleesch

Kee réie Fësch

Näischt mat réien Eeër, réier Mëllech oder réiem Ram

Opgepasst

  • D’Iwwerschreidung vum Mindesthaltbarkeetsdatum (MHD) vun de Liewensmëttel ass akzeptéiert.
  • Transportéier Liewensmëttel, déi laut der Packung gekillt solle ginn, an enger Killtut oder -box a mat Killakkuen hei hinner, z.B. Nuddelszaloten, Kuch mat Puddingsfëllung. Ënner 5°C bleiwen!
  • Trenn déi verschidden Zorte Liewensmëttel wéinst den Allergenen.
  • Hannerlooss preparéiert Iessen zougedeckt oder am Dëppchen.
  • Lee d’Liewensmëttel, un deene Buedem drun ass, ënnen hinner. 

Vergiess net d’Dier zouzemaachen.