Author: Eunice Sánchez González

100,7: “Revisioun vun de politesche Fuerderunge vu Foodsharing Luxembourg”

Een Drëttel vun alle Liewensmëttel, déi weltwäit produzéiert ginn, ginn ewech gehäit. Liewensmëttelverloschter a -verschwendung bleiwen ee vun dee gréisste Problemer vun eisem moderne Liewensstil. Well d’Ursaache vun dësem Problem systemesch sinn, hat Foodsharing Luxembourg am Februar 2023 eng éischt Versioun vun hire politesche Fuerderunge verëffentlecht – an se virun de Walen u Politiker:innen a Minister:inne geschéckt.

An der Tëschenzäit hu méi europäesch Länner Gesetzer géint d’Liewensmëttelverschwendung agefouert, a Foodsharing Luxembourg hat virun engem Joer eng Podiumsdiskussioun mat Expertinnen a Politiker:innen zum Thema organiséiert. Explikatioune mam Daniel Waxweiler vu Foodsharing Luxembourg

Lauschtert den Interview am 100,7

Verlängert!

No eisem éischten Opruff krut eisen Aarbechtsgrupp “Politesch Aarbecht” bei Foodsharing Luxembourg interessanten Input. Nieft der Situatioun a Kantinnen an Butteker, kruten mir z.B. gesot, datt Subsiden fir d’Ausséien vu Gromperen ausbezuelt géifen ginn, des awer aus Rentabilitéitsgrënn oft net erausgeholl ginn an sou sënnlos ëmginn. Well des Abléck a verschidde Beräicher wierklech hëllefräich fir eis Aarbecht fir eng Verbesserung vun der nationaler Gesetzgebung iwwer Liewensmëttelverloscht an -offall ass, verlängeren mir eisen Opruff nach emol. 

Mellt iech dofir nach emol bis den 6. November bei eis op moien@foodsharing.lu – Wou gesitt dir Problemer am System? Sinn iech Mëssstänn bekannt, déi zu Gaspillage féieren? 

All Entréeë ginn anonym veraarbecht.

Den Aarbechtsgrupp “Politesch Aarbecht” wëllt är Hëllef!

Mir brauchen dech!

Den Aarbechtsgrupp “Politesch Aarbecht” vu Foodsharing Luxembourg schafft den Ament u Fuerderunge fir eng Verbesserung vun der nationaler Gesetzgebung iwwer Liewensmëttelverloscht an -offall. Eisen Ausgangspunkt soll eng Analys vum Problem sinn.

Dofir wëlle mir är Hëllef! Wou gesitt dir Problemer am System? Sinn iech Mëssstänn bekannt, déi zu Liewensmëttelverloscht oder -offall féieren? An ärem Alldag, op der Aarbecht oder doheem, gesitt dir Musteren oder Widderspréch, déi zu Gaspillage féieren?

Schreift eis bis de 15. Oktober op moien@foodsharing.lu

All Entréeë ginn anonym veraarbecht.

RTL: Appetit op Verännerung? 3 Joer Foodsharing zu Lëtzebuerg

“Foodsharing Lëtzebuerg huet Appetit op Verännerung. Zanter der Grënnung am August 2019, duerch eng Grupp vu Frënn, goufe bis ewell 356 Tonne Liewensmëttel gespuert. Verschwendung a Verloscht vun Nahrungsmëttel hunn net wierklech e positiven Impakt op eis Ëmwelt. De But vu Foodsharing ass, deem entgéint ze wierken, Michèle Schons?”

RTL

Den Artikel op RTL